الولد اللي طلق امه

مره فيه شايب متزوج اربع نسوان
خطرله يبي يزوج الخامسه
مشا عزم الناس وجاب مأذون وجا بيعقد في المرا الخامسه
وبعد بدأ المأذون بكتابة العقد
جاء واحد من اولاده وقال
ياسيدي الشيخ ماتكتب العقد راه حرام
الناس استغربوا
الشيخ قاله ليش حرام ياولد البنت مش موافقه
قاله لا اني ولد الراجل اللي قدامك
وعنده اربع نسوان امي وثلاثه اخرا
وكلهن علي ذمته
المأذون قاله حق هالكلام قاله الراجل قصدك مايمشي ناخد خمسه
قاله الشيخ لا
قاله به كيف الراي
قاله ضروري تطلق وحده
احتار الراجل شن الراي
قال لولده انت ولد اين فيهن
قاله اني ولد التانيه ياباتي
قاله معناها امك طالق
اعقد ياشيخ ....
وعقد وكمل ومشت اموره
والولد لعند اليوم امه ماسامحاته ..
كان سبب في طلاقها